كفاية .. قلت لك عيني مبغضه رؤياك / كلمات: فهد عقيل

[ندعوك للتسجيل في المنتدى أو التعريف بنفسك لمعاينة هذه الصورة]
كفاية .. قلت لك عيني مبغضة رؤياك ××××× بعد الخيانة لا تظنه عــــاد شي صفاء وياك
لي بدر منك مايغتفر ××××× أيش بس عادك مني تنتظر
روح لك يا ذا و أختر لك طــريـق
ياليتنا ما عرفتك ولا اخــترتك رفيق
كفاية .. أظهرت لي الطيبه في شفاء محياك ××××× وأخفيته عني طبعك الماكر لي كسا دنياك
ونا من طيــــبي نتأثر ××××× بمن حولي ولا نمكر
لأنني عاشق وفي طبــــعي رقيق
ياليتنا ما عرفتك ولا اخــترتك رفيق
كفاية .. شوف لك غيري يندمج في هواك ××××× غير مسك حدك ونا با مسك حدي وأحتفظ بقواك
ويا دار ما شي دخلها شر ××××× و حق الناس خــط أحمر
لا تقــول ماشي في مخابيزي دقيق
ياليتنا ما عرفتك ولا اخــترتك رفيق
كفاية .. أسحب مراسيلك ذا القلب مابغاك ××××× نغمه ومواله ما يشبه مواويلك أنكشف مغزاك
أذا هو كان من جاء نجر ××××× كان ما عاد في الوادي حجر
وبالرضى المحـــــــــبه ما هي بالحـــريق
ياليتنا ما عرفتك ولا اخــترتك رفيق
شعر/ فهد عبدالله عقيل

» كفاية وصاية على حضرموت ( بقلم : عوض كشميم )
» آل الشيخ أبي بكر بن سالم
» الحب نعمة > كلمات الشاعر خالد بازهير
» أشعار وأحداث ( المؤلف : بدر بن عقيل )
» أمرك عجيب جديد الشاعر فهد عقيل